زمان لما كانو بعلمونا ازاي ناخد التاريخ المرضي من العيان ونحب نسأله عن البيبي بتاعه شكله ايه قالولنا نقوله (الطبيعه عامله ايه) ....ها والطبيعه اخبارها ايه يا حج ؟.....يفهم الحج علي طول ايه المقصود بالطبيعه
غريبه قوي الحكايه دي..... الانسان المصري بيسمي البيبي طبيعه
"NATURE"
هل لان الحياه الطبيعيه بالنسباله بقت عامله زي البيبيي بالظبط , ام لان البيبي بقي هو الحاجه الوحيده اللي بتحصله طبيعي من غير لاواسطه ولارشوه ولا وجع قلب عموما مش هو ده موضوعنا , موضوعنا هو الصور الموضحه اعلاه (انظر الشكل بالاعلي ) الصور دي منظر "طبيعي "خلاب يخلب اللب و العقل من حديقه المستشفي اللي انا شغال فيها دلوقتي _من الزهق في النوبتشيه ام 8جنيه _قعدت اخدله كذا صوره بكادرات مختلفه بس للاسف الكاميرا بتاعتي تعبانه مش موضحه كم الطبيعه الموجوده في الخرابه (سوري )المستشفي لاحظ العلاقه بين الخرا به والبيبي والطبيعه ) كمان مش موضحه الاقبال الشديد من الدبان وشتي انواع العفن و الميكروبات و البكتيريا اللي بدات تتعايش معانا وكانها من القوه العامله بالمستشفي.... بس الحمد لله انها مش موضحه الريحه اللي طالعه منها والا كنا طفشنا المدونات اللي حوالينا
الغريب بقي ان المنظر ده واضح عيانا بيانا وقدام اللجان اللي رايحه جايه كل يوم والتاني تفتش و اللي اهم حاجه عندها تلاقي جثه الطبيب مرزوعه في مكانها في النوبتشيه ام 8جنيه ولابس البالطو الابيض ومكتوب عليه هو خط ايه بالظبط , لكن بالنسبه لوجبه التلوث والامراض اللي بتقدمها المستشفي لكل من تسول له نفسه بالقتراب منها , كل ده مش كهم خاااااالص.
مع تحيات وزاره الصحه المصريه
صحتك امانه بين ايديك
حافظ عليها احسن لك
4 comments:
فضيحة
المصيبة مش ان الطبيعة ضايقتك
المصيبة ان في ناس عايشينها عادي جدا ومش متضايقين
سنووايت:- اذا كان علي الفضايح فهي كتيييييير قوي في الوزاره العامره او اللي باحب اسميها (طابونه الحاج حاتم) ...عارفه انهم عملو استبيان بين العاملين في مستشفيات الوزاره بيقول
...هل تحب ان تعالج في المستشفي اللتي تعمل بها ؟ ...وكانت النتيجه zeroo percent
باستثناء المديرين طبعا اللي كانو موافقين hundred percent
شهرزاد :- كلنا عايشينها لكن باشكال مختلفه
إيه ده يا ابني ، إنتا لحقت تعمل ده كللله انهاردة ، بيعجبني الناس اللي بتكتب تدويناتها بسرررعة على فكـــرة
،،،،،،،،،،،،،،،،
الطبيعة الصامتة دي تقليدية قوووي على فكرة، دلاوقتي فيه مقالب طبيعية متحركة
Post a Comment